Dia Mundial di Obesidad ta wordo observa anualmente cu e meta di cambia perspectiva riba Obesidad, coregi malinterpretacion, caba cu stigmatisacion y aumenta conscientisacion tocante e condicion medico aki, cual ta wordo describi como exceso di peso den forma di vet pasobra ora e vet aki ta acumula, e por causa problema serio di salud manera malesa di curason, diabetes, presion halto di sanger, artritis severo y hasta cierto tipo di cancer.
Segun e Organisacion Mundial di Salud (WHO), un indice di masa corporal (BMI) di 25 of mas ta considera sobrepeso y un BMI di 30 of mas ta considera Obesidad.
Ta trata di un crisis di salud publico mundial unda un tercer parti di henter e poblacion mundial ta sufri di dje y segun reportahe, mas of menos un di cada 5 mucha y mas cu un di cada 3 adulto ta lucha cu ne. Tin un sin fin di problema adicional asocia cu Obesidad manera hipertension, diabetes, malesa di curason iskemico, vet na higra, cirosis di higra, piedra na galblaas, acidez, stroke, cancer, osteoporosis, infertilidad y trauma psicologico.
Obesidad ta bira serio pasobra e ta relaciona cu e pio resultado di salud mental y calidad di bida reduci y hasta durante e pandemia di COVID-19, e pashentnan di obesidad a wordo reporta cu malesa severo di Coronavirus y un resultado malo compara cu hende normal.
Historia
Dia Mundial di Obesidad ta un dia di accion unificado cu ta tuma luga riba dia 4 di maart.
E dia aki a wordo convoca pa Federacion Mundial di Obesidad hunto cu su miembronan global y observa pa prome biaha na 2015 como un campaña anual cu e meta di stimula y sostene accion practico cu lo yuda hende pa logra y mantene un peso saludabel, fuera di para e crisis global di Obesidad.
Nificacion
Dia Mundial di Obesidad ta observa pa promove solucion practico pa yuda hende pa logra y mantene un peso saludabel, ricibi tratamento adecua, y reverse e epidemia di Obesidad. Te mes un perdida modesto di peso por mehora of preveni e problema di salud asocia cu Obesidad y mirando e motibonan pa Obesidad – bida saludabel, dieta y actividad fisico ta hunga un papel magnifico den bida di un persona.
Pa mucha hoben e enfoke riba perdida di peso ta un parti dificil pasobra nan curpa ta creciendo y desaroyando, como consecuencia, mester incentiva mucha pa hunga pafo den un area habri na luga di pasa tempo den cas mirando television of hunga wega riba computer of PlayStation. Pa proporciona cuminda y lunch saludabel den intervalo regular mester incentiva nan pa adopta patronchi di alimentacion saludabel.