Awe, dialuna, dia 13 di Februari, pa proclamacion di Unesco ta celebra e Dia Mundial di Radio y ta resalta e importancia di radio como medio di comunicacion.
E Dia Mundial di Radio a wordo crea pa e Conferencia General di Unesco na 2013, como reconocemento pa e papel cu e medio aki a hunga a lo largo di e historia y como mecanismo pa fomenta e interes di generacionnan nobo pa loke ta esaki.
Unesco ta destaca cu e radio a facilita e acceso na informacion y contenidonan di cultura di manera inmediato y riba costonan abao pa sociedadnan di henter mundo desde mas di shen aña.
“E obhetivonan di e hornada ta ta coincidi na e publico y na medionan di comunicacion cerca di e importancia di radio; alenta e encargadonan di tuma decisionnan pa crea y ofrece acceso na informacion atrabes di radio, mescos cu mehora rednan y e cooperacion internacional entre organismonan di radiodifusion,” e website di Dia Mundial de la Radio ta splica.
Pa conmemora e dia aki, directora General di Unesco, Irina Bokova, a manda un mensahe caminda cu e ta destaca lo miho di radio:
Den e epoca aki di turbulencia, radio ta constitui un plataforma solido pa uni comunidadnan. Na caminda pa trabao, den nos cas, oficina y camponan, na momentonan di paz, di conflicto y di emergencia, radio ta sigui ta un fuente importante di informacion y conocemento, cu generacion y culturanan ta trascende, ta inspira nos cu e rikesa di diversidad humano y ta conecta nos cu mundo. Radio ta duna voz na muhe y hombernan di tur caminda. Scucha e oyentenan y responde na nan necesidadnan. Ta un forsa na servicio di derechonan humano y dignidad y un poderoso factor cu ta permiti haya solucion na e problemanan cu e sociedadnan ta afronta.
P’esey, radio ta importante pa hibanan dilanti di e Agenda 2030 pa e Desaroyo Sosteibel. Fomenta e libertadnan fundamental y promove e acceso publico na e informacion ta cuestionnan esencial pa impulsa e bon gobernansa y e estado di derecho y pa profundisa den e inclusion y dialogo. Door di haci frente na retonan nobo, na responde na e cambio climatico, na e lucha contra e discriminacion, radio ta proporciona un medio accesibel den realtime pa supera e divisionnan y fortalece dialogo.
P’esey ta necesario renoba e compromiso di tur cu radio. E organismonan di radiodifusion, e regulado y audiencianan mester fomenta y probecha den su maximo su potencial. Club y forumnan di oyente ta uni na e comunidadnan rond di e cuestionnan di interes comun cu e poder di por scucha den e ondanan y logra cu otronan scucha.
Danki na politicanan destina na recaba e compromiso di e audiencia, oyentenan ta ocupa un luga centrla den e emisionnan. E alfabetisacion mediatico y informacional nunca tabata decisivo, cu e fin di genera confiansa den e informacion y conocimento den un momento cu e concepto di “berdad” ta pone den tela di huicio. Di e manera aki radio por ta un modelo di solucionnan innovador na problemanan local y sigui impulsando e derechonan humano, igualdad di genero, dialogo y paz.
Riba e Dia Mundial di Radio, Unesco ta haci un yamamento na tur hende pa nan apoya e poder di radio cu e obheto di alenta combersacionnan y scucha cu nos tin mester pa e cooperacion cu e fin di aborda e desafionan na esnan cu ta enfrenta humanidad.
Fuente: RCN Noticias