Bloedbank Aruba ta gradici na tur su empleadonan y donantenan, tambe ta invita tur hende cu ta desea pa bira donante por pasa of subi nan website y aplica cu nan kier bira donante y nan mes lo tuma contacto. E aña aki nan lo bishita e companianan pa asina recluta donantenan. Na tur parti di mundo ta pidi un tres pa cinco porciento di e pueblo pa ta donante, aki na Aruba tin un poblacion alrededor di 100 mil hende e ora ta bira un total di 3 mil pa 5 mil hende cu Bloedbank tin mester pa ta donante.
Riba 14 di juni di 2023 ta celebra na mundo e día Mundial di Donante di Sanger. Na 2005, e Asamblea Mundial di Salud a decidi celebra tur aña e evento aki, cu ta constitui un oportunidad special di festeho y di ta agradecido na e donantenan boluntarionan di henter e mundo y cual a converti na un momento particular cu e obhetivo pa adopta medida dirigida na logra e acceso universal na e transfusionnan di sanger sin riesgo
Cada donación ta un regalo hopi valioso cu ta salba bida, y dona sanger ta yuda na continua cu e suminister di sanger innocuous y sostenibel. Na hopi pais, e servicio di transfusion ta haya dificultad pa por pone na disposicion e sanger na un suficiente cantidad y na e mes un momento garantisa su calidad y seguridad.