Sr. Clayton Croes di Gele Koorts en Muskieten Bestrijding (GKMB) ta splica desaroyonan cu ta pasando cu awasero ta cay. Esaki ta duna un efecto hopi grandi na e tipo di trabao cu GKMB ta duna na servicio na comunidad.
Segun Sr. Croes, hopi di e trabao cu GKMB ta haci tin di haber cu insecticidanan tanto seco como likido. E clima tin un efecto hopi grandi riba e trabao. Trabaonan manera fumigacion, perifocal rond di cas, productonan cu ta wordo uza den e plasnan, tur ta depende di e clima. E mesun yobidanan cu ta causa criaderonan, tin su mesun efecto negativo ariba e productonan cu GKMB ta uza.
E focus ta keda pa preveni criadero, duna atencion na comunidad, door di duna informacion con pa proteha nan mes y nan famia. Move den e comunidad, duna informacion na e doñonan di cas. Y keda recorda e informacion y aplica informacion ricibi.
GKMB a cera 2016 cu casi 1500 caso di yamada pa cu criaderonan. Cooperacion di pueblo ta esencial. GKMB tin e productonan pa haci e trabao, nan tin e manpower pa haci tal. Pero e ta limita, e personal di GKMB ya cu nan no por keda bishita e mesun casnan cada biaha.
E trabao di GKMB ta wordo influencia grandemente door di e awasero. E substancia cu nan ta uza rond di e casnan, dus e perifocal ta keda riba e murayanan, pero ora di awasero esaki ta kita for di e murayanan. E focus ta keda pa e doño di cas pa tuma e conseho, sea ta un pos of sea ta un hemchi, un bari of un scoter, ta kibra e ciclo di bida di e sangura Aedis Aegyptis.
Awo cu awa ta yobiendo, un obheto cu per ongeluk a wordo cambia di luga, y cu awo si ta colecta awa of un tire cu bo a cambia y a keda tira un banda, tur esakinan por forma un criadero. GKMB kier un comunidad cu ta responsabel pa nan mesun salud.
GKMB ta spera cu e conscientisacion cu nan ta haciendo pa añanan largo. cu nan ta mira esaki, pero den temporada di yobida ta mas hopi. Sr. Croes a splica cu diferente trabaonan ta wordo haci, nan ta bezig ta controlando tur e regenbaknan. Den pasado semper a haci bon uzo di gumpies, awendia tin productonan hopi mas eficiente pa combati e criaderonan. PRoductonan cu GKMB ta biodegradabel.
Doñonan di cas, GKMB ta haci un suplica na e doñonan di cas, cu tin un regenbak aangelegd, pa por favor tuma contacto cu GKMB pa asina e personal di GKMB por pasa check esakinan y tira e productonan necesario pa combati sanguranan cu ta causa Chikinguya y Zika.