SAN JOSE, Costa Rica – Erupcionnan nobo di e volcan Turrialbe, a causa un awasero di shinishi riba San Jose, capital di Costa Rica y a obliga e ciere temporal di e aeropuerto internacional Juan Santamaria.
E actividad den e volcan Turrialba ta sigui crece, loke tabata su comportamento usual den ciclo di erupcionnan anterior, Javier Pacheco, sismologo di e Observatorio Vulcanologico Sismologico di Costa Ricba, Ovsicori, a bisa CNN.
E ultimo ciclo aki a cuminsa dia 13 di September, pero bientonan a dirigi shinishi leu di e Gran Area Metropolitana – cu ta inclui San Jose – noordoost. Sin embargo den e ultimo oranan, e ruta a cambia pa zuidwest y e shinishi a cay riba e Valle Centrla, unda cu auto, caya y viviendanan a yena cu e material. Dialuna e coloso a registra por lo menos cuater erupcion nobo, Pacheco a bisa.
E volcan Turrialba a reactiva na 1996 y e ciclonan mas fuerte di erupcion a registra desde 2010.
Segun e oficina di prensa di Aeris, e empresa cu ta opera e Aeropuerto Internacional Juan Santamaria, a conclui e prome parti di e limpiesa di e pista y a habri bek pa saca e vuelonan retrasa for di atardi, pero a bolbe cera y a keda mantene asina te cu 9’or di anochi.
E intencion ta pa mantene e aeropuerto den condicionnan sigur pa por opera. E estado actual por varia, dependiendo di e actividad volcanico.
Segun Oviscori, e ciclo eruptivo ultimo den e volcan Turrialba a cuminsa dia 30 di April y a finalisa di 1 di Augustus 2016, despues a drenta den un periodo di reposo relativo y desde dia 10 di September, a drenta den un fase nobo preeruptivo cu un incremento di temblor.
Fuente: CNN en Español