Internacional: E fuerte yobida na Republica Dominicana a laga te na e momentonan aki por lo menos 24 morto, segun informacion di e centro di operacion di emergencia di e pais
Entre e fayesidonan tin 16 dominicano, cuater Americanonan, y cuater Haitiano, segun e documento cu autoridadnan dominicano a divulga. Autoridad no ta descarta cu e cantidad di morto por subi durante oranan dilanti.
E tempo aki a afecta mas cu 3500 cas registra y a obliga mas cu 17.800 hende evacua for di nan cas. Gobierno Dominicano a declara tres dia di luto nacional debi na tragedia.
