Internacional: Un tormenta pisa sin presidi a kibra riba Ciudad di Nueva York y a causa inundacion den caya, casnan bou di tera, scolnan, autonan, y hasta den metro di e ciudad mas pobla di Estados Unidos.
E awa su nivel a subi hopi lihe, cu a sorprendi algun hende cu tabata cana caminda pa nan trabou den e ora pik di mainta di diabierna. Servicionan di emergencia a actua ora cu tabata necesario, salbando hende for di autonan yena di awa.
Den solamente un dia, Aeropuerto Internacional John F. Kennedy di Nueva York a ricibi mas 20.3cm di awa cu cualkier otro dia for di 1948. E cantidad di yobida ekivalente na un luna a cay riba Brooklyn den solamente tres ora, un di e nivel di awasero mas halto cu e tormenta a laga diabierna.
Estado di Emergencia
Gobernadora di Nueva York, Kathy Hochul, a declara estado di emergencia den henter ciudad di Nueva York, Long Island, y den Hudson debi na e yobinan extremo cu a cay den henter e region diabierna.
Den un post riba X, prome cu Twitter, gobernadora a agrega: “Fabor, tuma medidanan pa keda salvo y tene na cuenta cu nunca mester trata di subi camindanan bou di awa”
Adicionalmente, den un entrevista cu WNBC-TV di Nueva York, a urgi e residentenan pa keda na cas debi na e condicionnan peligroso y general. “Esaki ta un evento di clima hopi desafianti,” Hochul a bisa. “Esaki ta un evento cu ta pone bida den peliger. Y mi mester cu tur rekisito presta atencion na e advertencia aki pa nos por tene nan na salbo.”
Gobernador di Nueva Jersey, Phil Murphy, tambe a declara estado di emergencia pa su estado for di diabierna mainta.
Bomberonan a haci rescate den seis cas of edificio cu tin e shelternan bou tera na Ciudad di Nueva York cu a keda inunda door di coriente di awa, segun departamento di bombero.
