Unico dam cu hende no por uza su awa pa plantacion of pa cuido di bestia, ta e dam di Moko. Segun Nathaly Maduro di Santa Rosa, ta ok pa uza e awa aki pa e sector di construccion.
E awa eynan ta hopi salo y pa agricultura e no ta bon. E dam di Moko nunca a wordo traha cu e proposito di colecta awa di yobida pa agricultura. E tabata un graving di un manera of otro a yena cu asina hopi awa. Pero por wak tambe cu na e rand di e dam di Moko tin hopi salo para, pero tin hopi sushi tambe tira aden. E ta un awa cu sigur ta hopi contamina. Pa ningun tipo di proyecto caminda cu tin produccion di cuminda, e no lo ta consehabel pa uza e awa ey.
E dam di Moko cu tin e awa cu ta asina salo. E ta un cantidad di un volumen di awa cu Santa Rosa no ta uza pa ningun tipo di proposito di produccion di cuminda.
A lanta un comision chikito. Tur hende a cuminsa realisa cu mester tuma un accion of medida riba e situacion cu e damnan. Awor aki Santa Rosa tin cierto reunionnan cu ta tumando luga entre Departamento di Medio Ambiente, Despa hunto cu Santa Rosa, caminda cu por proteha e damnan y tambe rooi y otro awanan cu tin rond, posnan di awa dushi tambe, cu ta wordo uza pa irigacion.
Nan tin nan balornan no solamente pa agricultura, pero tin cu corda tambe cu un dam tin cu balor pa naturalesa. E ta un fuente cu ta tene hopi biaha e posnan di awa dushi bibo. E fauna sigur bo ta wak hopi biaha ora cu tin dam, ta mira parhanan den dje. Tin e piscanan. Hopi biaha ta wak e turtuganan den e awa. Pero tambe e ta yuda pa mantene e suelo muha y si bo kier un awa di bon calidad pa haci esey, bo no kier un awa contamina cu ta para eynan y eventualmente e ta bay causa un problema, segun Maduro.