Diabierna mainta parlamentario Gerlien Croes di partido FUTURO a informa riba su plataforma media social e siguiente informacion:
Na tur nos votadornan, nos kier cumpli cu boso:
Fraccionan AVP- FUTURO a propone cambio den presupuesto pa 2025:
1. Rebaho di accijns ariba gasoline di 10cent pa liter desde 1 di mei 2025;
2. Awg 250 extra pa TUR pensionado per 1 mei 2025;
3. 30 miyon florin di inversion extra pa 2025;
4. Rebaho di gasto nan di Goederen en Diensten cu 10%, reduccion di gasto operacional di gobierno cu Awg 21.5 miyon florin;
5. Baha cantidad di Minister di 8 pa 7;
6. Baha cantidad di personal den ministerionan y secretariaat ministerraad cu ta representa un reduccion di Awg 8.5 miyon;
7.Subsidio adicional na Fundacion pa nos Comunidad pa yuda cu programa di pakete di cuminda pa esnan cu menos recurso y nos pensionadonan;
Esaki ta Fase1 di cambionan pa Aruba a corto plazo y tur esakinan kedando den tur normanan financiero pa 2025 y añanan venidero manera palabra den LAft y cu Hulanda.
