E aña aki tambe partido AVP ta bay duna e ayudo acostumbra pa yena e formulario di belasting riba entrada. E actividad aki cu a cuminsa hopi aña pasa, ta algo cu Pueblo ta conta riba dje. E ta un forma cu AVP ta yuda hende pa cumpli cu nan responsabilidad civico di haci entrega di entradanan durante di aña na Departamento di Impuesto.
Mescos cu tur otro aña lo tene atradi/anochinan pa yuda hende yena nan papelnan di belasting na Playa y na San Nicolas. E aña aki tur e anochinan lo wordo organisa den luna di November. Lo tin un grupo di hende pa duna e servicio riba tur e anochinan. Mas den siman aki lo anuncia e fecha, ora y luganan caminda lo duna e servicio di yena e formulario di belasting riba entrada. (Inkomsten Belasting). Ta pidi tur hende pa cuminsa organisa tur nan papelnan pa por yena e formulario lihe y completo. E siguiente documentonan di aña 2015 ta importante pa por haci esaki:
e formulario pa yega e entrada pa belasting cu bo a haya na cas;
e resumen di bo entradanan den e aña 2015. Bo por haya esaki di bo doño di trabou, e compania unda bo ta traha, di SvB of di APFA si Bo ta un pensionado;
un lista y comprobante di tur otro entrada cu bo tabata tin na 2015;
comprobante di interes cu bo a paga na banco riba credit card of riba fiansa cu bo tabata paga na 2015;
comprobante di tur gasto adicional pa cuido medico di bo of un familiar cu ta depende di bo.
comprobante di gastonan haci pa estudio di bo mes un familiar cu ta depende di bo;
comprobante di gastonan cu bo a haci pa cuido di familiar cerca.
comprobante di otro gastonan iregular of inusual cu bo mester a haci.
Trece tur esakinan ora bo bin pa yena e formulario di belasting cerca nos.
Partido AVP ta contento cu e por sigui duna e servicio aki manera e a haci pa hopi aña caba. Cada aña ta mehora e servicio, e ta bay mas lihe y ta yuda mas hende. Keda pendiente pa e fechanan pa e servicio di yena formulario di belasting mas de laat e siman aki.