AVP, hunto cu otro partidonan a reuni cu polis diaranson cu a pasa. Nan a papia mas tanto riba e ordo y mobilidad pa loke ta e dia di entregamento di lista. Unda cada partido ta bay ta, kico cada partido ta bay haci den liñanan grandi. Si ta bay bin cu musica, prome cu yega Censo, ta pidi pa paga esaki, pa manera cu e auto cu musica yega, pa sali bay tambe, pa crea espacio y polis lo bay tin e parti di mobilidad semper. Na ki momento cu ta nan por bisa cu te tal caminda nan por cana. E idea ta pa cera Wilhelminastraat pa laga e otro camindanan habri. Ta pidi pa no aglomera ni riba LG Smith Boulevard, ni riba e otronan pa purba di laga toch mobilidad si mester move un brandweer, si mester move polis of ambulance, cu nan por keda accesibel.
Ni AVP, ni MEP lo no bin cu 100 hende. Marlon Sneek, lider di fraccion di AVP, manera cu ta haci’e tur aña, nan tin un plan con ta bay haci esaki den otro. Tin hende cu ta coordina full e movecion, tanto na cuminsamento, mey mey y final, pa tin garantia pasobra ta nan ta invita e hendenan aki pa bin compaña nan. Nan siguridad pa e partido ta di gran importancia. Kier garantisa tanto e totalidad y sigur esnan cu nan invita pa bin entrega lista hunto cu e partido, cu nan ta safe ora cu ta cu nan.
Sneek a splica cu nan a papia cu polis. E no ta kere cu esaki lo bira un problema. Si mira bon, MEP lo bay entrega su lista 1’or y mey y nan ta 3’or y mey. Tin suficiente tempo den esey cu polis tin un plan manera cu nan a splica, con nan ta voer af diferente grupo. Despues di esey cada ken por sigui e ruta cu polis a pone. No ta mira ningun problema. Tin un diferencia di tempo bastante grandi toch. E puntonan di salida di e dos gruponan aki tambe ta suficiente leu for di otro cu no lo bay crea ningun problema.
E parti importante ta pa entrega lista, djey papia cu e hendenan pa bay cas of cualkier otro punto di aglomeracion. E ora ta evita cualkier problema of situacion cu por presenta.
Manera ya ta conoci, AVP ta haci’e semper na diferente punto. Na Dakota Sneek y minister Dowers ta reuni cu nan hendenan y ta bin veld di Cricket cu ta cerca. E diferente otro coleganan ta yama nan hende pa bin hunto cu nan y tur ta yega na Veld di Cricket y for di eynan sali trankilamente cana bay den Wilhelminastraat y yega Censo caminda cu nan ta entrega e lista.
Si bay uza Square Garden lo bay blokia loke ta LG Smith Boulevard. Pa siguridad y den combersacion cu polis, a indica cu lo bay Veld di Cricket y lo bira mas facil pa ora di mobilisa. No mester crusa tanto caminda ni nada, pero ta un tiki mas afo y polis por uza full LG Smith Boulevard cu ta keda liber.