Aviso di calor inmenso pa tur studiantenan di scol tene cuenta cune

SKOA a manda un aviso pa tur cabesantte di scolnan rond Aruba como advertencia di dianan hopi calor cu ta asercando y esaki ta bini riba pronostico di Meteologische Dients. Departamento meteorologico di Aruba ta manda un mensahe pa tene cuenta cu e calor excesivo cu lo bai tin e proximo dianan. Esaki ta wordo ocasiona dor di un combinacion di temperatura halto y porcentahenan medio halto te halto di humedad ademas di un biento menos fuerte cu normal.Temperaturanan lo ta di 33 pa 36 grado Celcius. Porcentahe di humedad den 65 te 90% lo contribui na un indice di calor (temperatura aparente) rond di 38 te 42 grado Celcius cada dia. E calor y humedad halto lo no baha mucho anochi cu temperatura bahando solamente te un minimo di 27 te 29°c Grado. Calor excesivo ta e asesino di tempo nr 1. Hende mester ta prepara pa e peliger cu calor excesivo ta ocasiona. Mucha chikito, hende grandi y hende cu ta malo di curazon ta esnan mas expone. Un aviso pa calor excesivo ta nifica cu un periodo di temperatura halto ta wordo spera. E combinacion di temperatura y humedad halto lo combina pa crea un situacion den cual malesa causa pa exposicion prolonga na temparatura halto lo por presenta. Consecuencia ta cu durante proximo dianan lo por sinti malestar. Ta conseha pa limita actividad pafo y organiza buitenspel durante oranan trempan di mainta. Laga e muchanan bebe hopi likido. Por permiti muchanan bin bista mas fresco (por ehempel uniform di gym). Tene cuenta ora di lesnan di Gym pa adapta esaki na e temporada. Sin duda mayornan tambe mester tene bon cuenta cu esaki pa laga e jiu bai cu mas awa posibel scol y lage bisti paña fresco.

Comments

comments