Sra. Sharon Dijskma, Secretario di Estado di Infrastructura y Medio Ambiente Hulandes, a splica cu e avionnan di Insel Air lo keda geground tanten cu e inspectornan Hulandes haya esaki necesario. Inspectie Levengevend en Transport lo biaha mas pronto posibel pa Corsou, caminda cu nan lo traha pa drecha e situacion deficiente cu tin actualmente na Corsou, den mundo di aviacion.
E inspeccion lo no trata solamente di Insel Air, pero tambe tin diferente lease contract cu ta lanta preguntanan, dus lo trata esakinan tambe.
Hulanda a tuma e iniciativa door di e decision tuma door di Rijksambtenaarnan pa no biaha mas cu Insel Air International. Esaki a conduci na e decision aki, cual ta mesun decision cu gobierno Mericano ya caba a tuma.
Den un reunion conhunto, e inspectornan a haya tur cooperacion di e gobierno di Aruba, Corsou y Hulanda, kendenan pafo di nan mandato oficial, ya caba ta haciendo nan inspeccionnan pa siguridad aereo. Eigenlijk, e inspectornan aki nan Aruba y Corsou, no tin bevoegheid pa Aruba, pero esaki a wordo duna door di e gobiernonan di Aruba y Corsou. Sra. Dijksma ta reitera un biaha mas, cu e situacion ta Corsou ta hopi mas critico cu na Aruba. Ya caba tabata tin un investigacion independiente, y e tres gobiernonan a yega na e conclusion cu lo mester tuma e pasonan necesario urgente.
Basa ariba esaki, Minister ing. Mike de Meza di Aruba, como tambe Sra. Suzy Römer di Corsou, a firma un acuerdo di cooperacion cu Hulanda, caminda cu e inspectornan Hulandes , huridicamente, lo haya tur e competencia necesario pa realisa e inspeccionnan, manera cu ta wordo haci na Hulanda. Asina Sra. Sharon Dijksma a termina bisando.