MELBOURNE, Australia – Un avioneta cu cinco persona abordo a dal dialuna na banda di un centro comercial di Melbourne, situa net banda di e aeropuerto Essendon, provocando un candela, aunke ta desconoce na e momentonan aki si tin morto of herido.
Minister di Polis di e estado Australiano Victoria, Lisa Neville, a confirma cu cinco persona tabata biaha abordo di e avioneta Beechcraft, cu tabata bayendo pa isla King y a cay un tiki despues di lanta buelo pa 9’or di mainta ora local for di e aeropuerto di Essendon, e di dos den importancia di Melbourne.
“Nos no tin informenan di e condicion di esnan cu tabata den e avioneta ni di ningun otro ainda den e Centro Comercial,” e minister di Polis di Victoria, cual capital ta Melbourne.
Varios unidad di bombero ta na e centro comercial DFO, den e bario di Essendon Fields, panort di e ciudad Australiano di Melbourne, purbando di controla e vlamnan provoca pa e accidente, cual causanan ta wordo investiga, segun e cadena local ABC.
Un testigo di e accidente cu a keda identifica solamente como Jason a bisa e emisora ABC cu el a mira e accidente for di un taxi.
“Mi a wak cu e tabata bula hopi abao y lihe. El a bay tras di un muraya y mi no por a wak e accident, pero ora cu esaki a impacta e edificio, a tuma luga un inmenso bola di fuego. Despues loke tabata parce un wiel di e avion riba caminda y a golpia e parti di dilanti di e taxi, mientras cu nos tabata bayendo en marcha,” el a comenta na e emisora.
Fuente: NTN24