JAKARTA, Indonesia – Un boeing 737 MAX 8 di Lion Air , cu 185 persona a bordo a cay dialuna dilanti e csoann di Indonesia, den e lama di Java. Varios medionan di comunicacion a informa cu lo tabata tin 189 persona a bordo.
E vuelo JT-610 di e aerolinea Indones tabata cubri e ruta interno entre e ciudadnan di Jakarta y Pangkal Pinang.
Un vocero di e compania a confirma cu e avion a cay poco rato despues di a lanta vuelo. E avion a lanta vuelo pa 06:20 ora local, rumbo pa Pangkal Pinang y pa 06:33 a perde contact cu e avion.
E plataforma Flightradar24 ta señala cu e ultimo datonan transmiti pa e Boeing 737 ta indica cu e momento cu a perde contacto cu e avion a registra un aumento di velocidad y un perdida di altitud.
Ademas ta informa cu e tripulacion di un embarcacion, cu tabata situa panoord di Jakarta, a avisa di a haya e restonan di un avion.
Den e avion tabata tin 181 pasahero, entrenan un mucha y dos baby y shete tripulante, dos piloot y cinco steward (ess), segun cifranan oficial. Tur cos ta indica cu e avion a impacta cu gran velocidad den awa.