CALIFORNIA, Merca – E Lockheed Jetstar, bendi recientemente, tabata solamente un di e flota chikito di avionnan priva cu Elvis Presley tabata posee, a wordo bendi den un subasta pa un suma superior na 400 mil dollar, brindando oportunidad na e propiedad di e musico.
Despues di a pasa e ultimo 35 añanan bandona riba un pista di aterisahe na New Mexico, finalmente el a wordo bendi pa 430 mil dollar na California, teniendo na cuenta cu e ta casi den ruina pasobra e cabina di e piloto ta daña y no tin motor. GWS Actions Inc tabata e cas di subasta cu a duna oportunidad na su clientenan di obtene e avion cu a pertenece na “The King”, mescos tambe cu otro obhetonan cu a pertenece na otro celebridadnan.
Manera ta custumber, e nomber di e cumprado no a wordo revela, tampoco e sa ki uzo e avion lo bay tin, aunke cu siguridad no lo ta pa biaha den dje, debi na su mal estado general.
E avion modelo di 1962 a wordo diseña pa e propio Elvis, kende a modifik’e na su gusto y antoho sin a worry cu gasto. El a agrega asientonan di felpa, color cora y palo cu tononan di oro, segun e corant El Mundo, a indica.
Fuente: www.ntn24.com