MOSCU, Rusia – Rusia a completa diadomingo e buelo inaugural di su avion nobo di pasahero MS-21 di mediano alcance, den su prome incursion den e aviacion comercial desde e colapso di Union Sovietica.
Rusia, presiona pa sancionnan occidental a rais di su papel den e crisis di Ucraina, ta purbando di reactiva e produccion industrial domestico pa depende menos di empresanan stranhero
Moscu a bisa previamente cu MS-21 ta superior na su paarnan occidental den hopi aspecto y cu e lo ta cumprando tanto pa empresanan Ruso como pa esunnan stranhero.
Den un anuncio sorpresivo, e frabricante Irkut Corporation y su empresa matris, e estatal United Aircraft Corporation, a bisa cu un modelo MS-21-300 a completa cu exito un buelo di 30 minuut na un haltura di 1000 meter y biahando na 300 kilometer pa ora.
“E mision di buelo a wordo completa. E buelo tabata bon, no tabata tin observacion cu tabata impedi pruebanan nobo,” e piloto di prueba Oleg Kononenko a bisa.
E presidente Vladimir Putin a yama e director general di Irkut, Oleg Demchenko, pa felicit’e y e empleadonan di loke Kremlin a cualifica como “un acontecimento significativo.”
E avion bimotor lo wordo construi den dos variante: e MS-21-300, cu lo bay tin 160 y 211 asiento y e MS-21-200, cu lo bay tin entre 130 y 165 asiento. Ta spera cu e produccion cuminsa den e proximo dos añanan y e medionan estatal a bisa cu ya a acorda varios contrato cu companianan nacional y di exterior.
Fuente: www.reuters.com