MYEIK, Birmania – Un avion militar cu 104 persona a cay awe den e lama di Andaman, tras di a lanta buelo di e ciudad di Myeik, zuid oost di Birmania (Myanmar), medionan local a informa.
E efectivonan desplega den tareanan di rastreo, a haya parti di e fuselahe di e avion den awanan cerca di e ciudad di Dawei, e portal di noticia “Voa Burmese” a informa.
Den un comunicado gepost riba e perfil di Facebook di e ehercito Birmano, ta indica cu e militarnan a perde comunicacion cu e aparato “di manera abrupto” pasa di merdia y cerca di Dawei, mas of menos un shen kilometer nort di e punto di partida.
E aparato, un Y-8F-200 di fabricacion Chines entrega na e Forsanan Arma na Maart di 2016 y cu 809 ora di buelo, a wordo dirigi na Rangun, e principal ciudad di e pais, ora cu el a disparce for di e radar.
E avion tabata transporta 90 pasahero, entre militar y famia di e soldanan, y 14 miembro di tripulacion.
Por lo menos seis barco di Marina y tres avion a participa den un mision di buskeda y rescate di posibel superviviente.
Na Februari di 2016, cinco persona a perde nan bida den accidente di un otro avion militar, cu tabata na caminda pa Naipyido, capital di Birmania.
Fuente: www.efe.com