VALETTA, Malta – Autoridadnan na Malta ta enfrentando e “posibel secuestro” di un avion di Libia, e prome minister di Malta a bisa diabierna.
Abordo di e avion tin 111 pasahero: 82 hende homber, 28 hende muhe y un mucha, e prome minister a sigura. E no a specifica e cantidad di tripulante.
E avion, un vuelo nacional di Libia, opera pa Afriqiyah Airways, a baha na e Aeropuerto Internacional di Malta, unda cu un ekipo di siguridad y emergencia tabata ward’e.
E prome minister di Malta, Joseph Muscat a tweet cu el a wordo “informa di un posibel situacion di secuestro di un vuelo internacional di Libia cu a wordo redirigi pa Malta. Operacionnan di siguridad y emergencia ta atento.”
E avion tabata riba ruta di Sabha, un ciudad zuidwest di Libia, di e capital Tripoli.
E funcionario di comunicacion di e Ministerio di Asuntonan Exterior di Malta, Etienne Saint John a bisa CNN cu “e personal di siguridad ta na e sitio. Tin un reunion riba e avion den e oficina di e prome minister,’ el a añadi.
Fuente: CNN