GEORGETOWN, Guyana- Un Boeing 757-200 cu 128 persona a bordo, 120 pasahero y ocho tripulante, a sufri un accidente diabierna 9 di november, ora cu e tabata aterisando na e aeropuerto di Georgetown (Guyana), segun e ministro di Infrastructura Publico di e pais aki, David Patterson, a informa AirLive.
E accidente a tuma luga na e aeropuerto internacional di Cheddi Jagan, cerca di Georgetown, e capital di Guyana.
Al menos seis persona a resulta herida den e siniestro, mientras cue avion a sufri daño na su motor banda drechi y un di su halanan.
E piloto di e avion, cu tabata cubri e ruta entre Georgetown y Toronto (Canada), a informa cu e aparato tabata sufri di un “problema hidraulico” 11 minuut despues di a lanta vuelo y a solicita permiso pa bira bek. Sin embargo, ora cu el a baha, e avion a sali for di e pista y a bay dal contra di e heki di e airport.