Internacional: Un vuelo di Delta a accidenta ora cu e tabata aterisa na Aeropuerto Internacional di Toronto Pearson na Canada, dialuna y e avion a keda riba su dak riba e tereno cubri cu sneeuw.
15 persona, incluyendo un mucha, a wordo hiba pa hospital, pero ningun di e lecionnan ta wordo considera como menasa pa bida, segun Peel Regional Paramedic Services.
Ornge, cu ta proveé transporte medico, a bisa cu tres persona a sufri lecionnan critico: un mucha, un homber di 60 aña y un muhe di 40 aña.
E otro 12 persona cu a word hiba hospital tin lesionnan leve, Peel Regional Paramedics Services a bisa.
E 76 pasaheronan y cuater tripulacion abordo di e vuelo 4819 a wordo evacua despues di e accidente di un solo avion, segun Delta y e Administracion Federal di Aviacion. E vuelo a origina na Minneapolis.
