Diaranson atardi 10 persona lo a bira malo den un avion di American. E personanan lo a inhala un sorto di gas toxico cu a pone nan sinti malo. Di biaha a notifica grenspolitie y ambulans. Na yegada di personal di ambulans a controla e personanan pero 1 so mester a ricibi atencion medico avansa y a wordo transporta pa hospital.
American a manda un otro avion pa busca e pasaheronan. Diahuebs den dia mecanico y tambe personanan concerni a traha riba e avion y despues inspecciona tur cos y a duna ok pa pone e avion bek den servicio unda a kere cu a resolve e problema.
Pero anochi ora cu e avion tawata para riba pista cla pa subi dos crewmember a bolbe sinti e mesun sintomanan y di biaha e capitan a dicidi pa no bula cu e avion y a bay bek gate. Aki dos di e crewmember a bira malo y ambulans a presenta pa atende cu nan. Lo mester haci un investigacion profundo pa wak ki por ta e problema pa no mester sosode niun accidente.