CHICAGO, Illinois – E motor na man drechi di un Boeing 767 di American Airlines a faya diabierna durante un intento di lanta vuelo, mandando pidanan di e avion riba e pista rond di mey miya y pasaheronan ta core baha for di rampanan di emergencia riba e pista di O’Hare International Airport di Chicago.
Tres fuente familiar cu e investigacion a conta CNN cu e motor a sufri un aparente fayo no specifica.
Hefe di bombero na aeropuerto, Timothy Sampey a bisa cu personal a reporta cu un motor number dos tabata na candela. E avion, cu a para net prome cu e rand di e pista, tabata tin 43 mil liber di fuel.
“Esaki lo por tabata absolutamente devastador si esaki a pasa despues,” el a bisa.
Mas of menos 20 persona a wordo hiba hospital cu heridanan menor cu a sosode durante e evacuacion. Ningun di e heridanan a wordo causa pa e candela.
Fuente: CNN