Avion den cual e futbolista Emiliano Sala tabata biahando localisa

BUENOS AIRES/WALES – Dialuna e prome imagennan a wordo difundi di e restonan di e avion den cual e futbolista Argentino Emiliano Sala, pilotIa pa David Ibbtson, tabata biahando. E avion a wordo haya den fondo di lama cerca di e Guernsey. Esaki ta un iniciativa priva di parti di famianan di e hungado.

Riba e imagennan por wak e parti patras di e fuselahe di e Piper PA-46 Malibu, cu number di matricula N264DB). Asina tambe ta confirma cu ta trata di e mesun avion cu tabata trasladando e hungado procedente di Santa Fe, for di Francia pa Wales, unda cu e lo mester a uni su mes na Cardiff City despues di un transferencia miyonario for di Nantes.

Autoridadnan di AAIB, e organismo cu ta na cargo di e investigacion, a difundi e imagen di e avion y a confirma cu tabata tin un curpa den e avion.

Tragicamente, basa ariba analisis di e video di e ROV (Vehiculo subactuatico opera via remote control), investigadonan di AAIB abordo di e barco a yega na e conclusion cu e obheto ta e restonan di e avion Piper Malibu perdi,” e departamento di Investigacion di Accidentenan Aereo di Gran Britania a bisa den un comunicado oficial. “Imagennan ta mustra e curpa di un ocupante den e restonan di e avion”, AAIB a señala den un comunicado ofical.

Autoridadnan a precisa, ademas, di cu nan ta “considerando e pasonan pa tuma den consulta cu famianan di e piloot y e pasahero, y cu polis”.
David Mearns, e homber encarga cu e investigacion, a duna detayenan di e hayasgo. “Nos a localisa e restonan di e avion den fondo di lama, na un profundidad di 63 m, poco despues di cu nos a cuminsa e buskeda”, el a conta den declaracionnan na BBC radio.

Comments

comments