CARACAS, Venezuela – Un avion tipo jet cu a sali for di e aeropuerto Santiago Mariño di e ciudad di Porlamar cu nuebe persona aden, a cay den lama ora cu e tabata bulando cerca di e peninsula di Macanao di e estado Nueva Esparta.
E aeronave marca Gulfstream, modelo Aerospace G-1159A matricula YV-2896, tabata tin como destino Aeropuerto Simon Bolivar.
Ta conoci cu e piloto di e avion, a reporta e emergencia pa faya den e sistema hidraulico den e controlnan di vuelo y den menos di 3 minuut, ya e tabata na mas of menos 3000 pia di haltura, indicando finalmente cu e lo bay den lama. Comandante di Zodi, Nueva Esparta, vice almirante Alfredo Pulido Pinto, a confirma cu el a ricibi e yamada di e caso, aproximadamente pa 2’or y 45 di atardi.
A establece un ekipo di accion inmediato, cu un barco patruyero y un helicopter, pa marca e punto specifico unda cu e aeronave tabata. Pa e buskeda a sali dos avion na mando di e capitan Luis Morillo y capitan Jorge Fuente, perteneciente na GNB cu e fin di presta prome auxilio.
A trascende cu e nomber di e involucradonan ta: “E aeronave na mando di e capitan mayor, Alex Duran. Tripulantenan Miguel Brito, Kenin Porte, Rene Ramires. Pasaheronan Daniela Sparacino y maria Ridzewsky.”
E resultado oficial di e siniestro lo a keda conoci na final di e atardi desde e Base di Destacamento Aereo na e aeropuerto Santiago Mariño.
Mas tempran
Na e aeropuerto di Paramillo di estado Tachira, un avioneta tipo Cesna 421 cu e siglanan YV-1207 a sali for di e pista ora cu e tabata bahando, despues di a presenta faya den e brakenan posterior di e banda drechi.
Fuente: www.eluniversal.com