Despues di e interogacion preliminar, a dicidi di wanta tanto Ninosca Nuñez (Nina) como Gabriel (Gaby) Werleman deteni. Esaki ta relaciona cu e caso Avestruz.
Den oranan tempran di mainta funcionarionan di Lansrecherche a bay na cas di e pareha na Piedra Plat pa entrega nan un documento cu ta bisa cu mester bay cu nan oficina di LR pa interogacion den caso di benta di terenonan erfpacht cu a tuma luga di un forma no regular.
Rond di 2’or di merdia a move cu Nina for di oficina di Landsrecher y Gaby Werleman a keda eynan te den oranan laat di atardi.
MasNoticia a haya confirmacion cu nan a keda deteni. Despues si ta necesario pa sigui deteni pa mas investigacion, mester bay Hues Comisario pa haci un evaluacion di nan detencion.