Riba dia International di Hende Muhe, Arubaaanse Voetbal Bond a inaugura e minivan di Academia Damas. Miembronan di Directiva Sra. Mildred Wever y Sra. Rosemin Croes a corta e sinta cora y Sra. Geetanjali Khemlani a bautisa e minivan. Alabes e 18 hungadonan cu a gana e “Premio Excelencia den Deporta” a ricibi giftcard di AWG 500,- pa asina gosa di tremendo trabou cu nan a desplega den CFU Challenge Series na 2021.
Despues di inauguracion tur presenta a wordo invita pa asina pasa riba veld pa algun wega amistoso entre tur damas presente. Diferente team nan a ser forma incluyendo di damas nan di Academy U-14 & Open y damas nan di diferente clubnan manera Bubali, La Fama y Riverplate y asina damas nan a bataya contra otro riba veld, sigur un anochi masha placentero.
Na final di e anochi, a haci e entrega di e premionan na e 4 diferente ganadonan cu tawata ensera dos day pass pa RUI Palace y tambe souvenirs di Arubaanse Voetbal Bond. AVB ta sumamente contento con e evento a bay y asina a celebra en grandi e dia International di Hende Muhe, gradiciendo tur cu a asisti.