Tokio, JAPON — Shete studiante Japones di scol secundario y nan instructor a muri dialunda despues cu nan a wordo sorprendi pa un avalancha mientras nan tabata train con pa subi un cero, na un centro di ski. Esaki segun autoridadnan a informa.
Cerca di 50 di studiante y instructor tabata na e luga ora cu un tormenta di sneeuw a cuminsa, den e region di Tochigi, na 190 km nort di Tokio.
Polis a confirma e morto di ocho persona dialuna. Cuarenta persona mas a resulta herida, dos di nan ta grave.
Segun medionan Japones, ta trata aki di studiantenan cu tabata participa den un programa di tres dia pa miembrona di club di montañismo di shete scol den e zona.
Despues di e gran cantidad di sneeuw cu cay den oranan di anochi, e subimento di e cero programa pa e dia ey a wordo cancela y na su luga studiantenan tabata siña con pa move den e sneeuw, manera un training di supervivencia den ceronan.