Directora di IPA, sra. Ava Thode, a splica cu tin diferente manera pa motiva hende pa mira maestro di scol. Tin hopi interes pa bira maestro di scol, en particular bao di hende muhe. E hende hombernan toch ta scoge otro tipo di educacion. Esey lo por ta un target group pa IPA caminda cu ta bisa cu e ta un bon profesion. Tin asina hopi influencia riba desaroyo di comunidad.
IPA a yega di haci campaña hopi pisa riba e tereno ey y kier sigui. E ta un plan riba diferente tereno. Haci investigacion, coopera cu e diferente actornan den enseñansa, pa asina haya e interes y vooral stimula e hendenan cu tin interes, pa nan prepara nan mes, pasobra interes tin, pero nan mester por pasa e beroepstest. Nan mester cuminsa prepara nan mes for di antemano. Ora nan sa cu nan kier bira maestro di scol, ya nan sa cu nan mester cuminsa prepara nan mes. Train riba cierto materia, segun Thode.
E director ta sigui splica cu ta ripara cu tin basta hende cu toch ta buscando trabao y na IPA, ora cu cla, e trabao ta garantisa. Prome cu cla, ya bo sa unda bo ta bay traha. Esey ta un bon idea pa stimula hendenan cu e alternativa pa studia na IPA, pasobra sa cu ta haya tur e cuido necesario. Tin un sistema di sosten pa e studiantenan cu no ta laga nan cay asina no mas, mientras sa cu ora bay Hulanda, hopi di nan no ta caba cu nan estudio of scoge malo. Aki na Aruba tin toch e sistema di sosten pa nan y pa IPA mes, cu ta hendenan di Aruba ta dunando e enseñansa na IPA, plus nan ta haya e experiencia pasobra nan ta loop stage eynan mes. Ya nan ta cera conoci cu e mucha den scol, segun Ava Thode.
Na 2013 IPA a haya nan acreditacion. Esey ta nifica cu e ora ta cumpli cu e exigencianan di calidad internacional. A bay den publicidad y splica cu ta bin na un estudio cu ta cumpli cu exigencianan di calidad. Esey por ta enberdad un punto cu por inclui den e campaña di IPA pa recorda e hendenan cu na IPA, ta un instituto cu ta ofrece calidad.
Segun Thode, ta riparando cu door di e cambionan den nos comunidad, den demografia cu en berdad e necesidad ta creciendo y a ripara cu toch e scolnan ta puntra pa maestronan forma na IPA cu ta conoce cultura, cu ta conoce idioma, cu ta conoce muchanan cu a loopstage, ta di Aruba.