E aña escolar a habri cu algo di dolor di cabes pa falta di docente pa cual aki a papia cu Ava Thode, kende ta directora di IPA pa asina splica dicon tin falta di docente.
IPA ta na altura cu tin un necesidad di maestronan pa diferente tipo di scol, sigur pa Enseñansa preparatorio y basico. IPA ta haciendo tur su esfuerso pa por forma e maestronan pa cumpli cu e necesidad ey. Ta asina si cu IPA ta purba match e studiante cu e estudio. Pa bira un maestro di scol primario pa enseñansa preparatorio y basico, mester cumpli cu exigencianan. Tin cierto nivel di conocemento cu kier pa nan yega na dje, prome cu cuminsa studia. Tin un diferencia entre e conocemento cu mester pa drenta IPA y cu lo percura pa nan por sigui e studio cu exito y caba cu exito. Pesey a introduci e testnan prome cu cuminsa cu IPA, caminda cu nan mester haci diferente test. Esey ta pa sigura cu nan por sigui e curiculum di IPA bon, cu nan por adkiri e conocemento cu mester na un manera bon, pasobra nan ta drentando cu un base di conocemento cu nan por sigui e curiculum bon y cu nan por caba cu e estudio. Natural mester tene cuenta cu kier pa maestronan di calidad duna les na e scolnan. Asina ta cu tin basta interes pa ta maestro di scol, pero esunnan cu ta haci e testnan y cu ta pasa cu exito pa nan por drenta IPA, eynan tin un discrepancia, segun Thode.