BOGOTA, Colombia- Autoridadnan Colombiano a decreta diamars, alerta cora den cuatro poblacion den e zona noordoost di e pais. Esakinan lo wordo evacua door di un movimento di tera den un di e bandanan di e cero cerca di e hidroelectrica di Ituango, cu ta den construccion actualmente. E zona aki tin mas o menos un luna den alerta.
E Unidad Nacional pa e Gestion di Risico di Desastre (UNGRD) a informa den un comunicado, unda cu el a detaya cu door di e schuifmento di tera y te ora cu no “evalua e evolucion di e fenomenonan aki:, lo realisa un evacuacion di caracter preventivo, di cuatro pueblo di e departamento di Antioquia.
E emergencia na Hidroituango a cumisna dia 7 di mei ora cu tabata tin un derumbe den e zona unda cu e central electrico ta wordo construi. Esaki a ocasiona un blokia e tunnel cu ta desvia e rieu Cauca completamente. E riu aki ta un di riunan mas grandi di Colombia.
E menasa nobo aki den e zona a cuminsa diasabra cu’n avalancha den e zona cu a obliga na evacua e trahadonan di e hidroelectrico. E trahadonan te na e momentonan ey tabata bezig cu e elevacion di e dam na 415 m.
E medida di evacuacion ta uno di prevencion, pa e personanan cu ta biba cerca di e riu.
Fuente: NTN24