SAN LUIS, Mexico – Siman pasa polis a descubri den e ciudad di San Luis un tunnel bou di un local di KFC cu, supuestamente tabata wordo uza pa trafica droga enre e noordoost di Mexico y el estado di Arizona. Asina medionan local a informa.
E paseo subteraneo, di rond di shete meter di profundidad y apenas 8 cm di diameter, tin un extension di 180 m largo, segun autoridadnan a indica. E tabata conecta un cas di e ciudad Mexicano di San Luis Rio Colorado, cu e local di fastfood di San Luis.
E tunnel a wordo descubri despues cu polis local di Merca, siman pasa a detene dia 13 di augustus ultimo, un homber cu’n truck carga di droga, den cual tabata tin 118 kilo di metanfetamina, 19 kilo di heroina y seis kilo di cocaina. Aparentemente e contrabandistanan tabata uza un cabuya pa pasa e sustancia ilegal door di e tunnel. E investigacion ta sigui.