TOKYO, Hapon – Un teremoto di magnitud 6.4 a sacudi diabierna zuidoost di Tokyo, segun Servicio Geologico di Merca a informa.
E temblor a ubica na un profundidad di 10 kilometer y e epicentro a localisa den Pacifico, na mas of menos 149 kilometer di e localida di Katsuura.
E Agencia Meteorologico di Hapon a reporta cu no tin menasa di tsunami tras e fuerte movimiento telurico.
E temblor, cu a wordo sinti un gran parti di e region, inlcuyendo Tokyo, mescos cu su bisiña Saitama of e provincianan di Fukushima y Ibaraki (noordoost), a alcansa nivel 1 riba e escala Hapones, cual maximo ta di 7 y cu ta centra mas den e intensidad di e temblor.
Hapon ta sinta riba e asina yama “Ring of Fire”, un di e zonanan sismico mas activo di mundo y ta sufri teremoto cu relativa frecuencia pa loke e infrastructuranan ta specialmente diseña pa wanta temblor.
Fuente: NTN24