Autoridadnan Mexicano ta descubri truck yena cu inmigrantenan Centroamericano

0
RBC Juli 2018
Funmiles-2018

TAMAULIPAS, Mexico- Autoridadnan Mexicano a detene un vehiculo cu tabata moviendo ariba e caretera di Tamaulipas. Mientras e vehiculo tabata wordo inspecciona, nan a haya 100 persona aglomera cu tabata procedente di Guatemala, Honduras y El Salvador. E chauffeur y su compañante a wordo deteni.
Agentenan di Polis Federal di Mexico cu pa casualidad tabata realisando inspeccionnan riba un caretera di Tamaulipas, den e region noordoost, a rescata 100 migrante Centroamericano cu tabata tur riba otro den e freezer di e truck.
E agentenan a detene e vehiculo riba e caretera cu ta conecta Ciudad Victoria, capital di e estado di Monterrey na 177 miya (285 km) noord, ora cu nan a detecta cu e truck tabata coriendo sin su plací number parti dilanti. Esaki tabata en contra di e Reglamento di Transporte y Caretera di Jurisdiccion Federal.
Durante e interrogatorio di custumber, e chauffeur a mustra un documento cu tabata mustra cu e carga cu e tabata transporta pa Monterrey tabata di alimentonan cu por daña. Ora cu nan a inspecciona e truck, polisnan a skucha varios grito di auxilio y golpinan cu tabata bin for di e freezer di e truck y a pidi e chauffeur pa habri esaki.
Según e boletin oficial, entre e 100 migrantenan cu nan a haya algomera, tur hunto, tabata tin adultonan y menornan di edad. Nan tabata procedente di Guatemala, Honduras y El Salvador cu no tabata tin e documentación rekeri pa keda na Mexico.
E chauffeur y su compañante a wordo deteni y poni na disposición di Ministerio Publico, ya cu probablemente lo formula cargonan pa varios delito, mientras cu e investigación di e caso ta sigui.
E migrantenan a wordo poni na disposicion di e Delegacion di e Instituto Nacional di Migracion pa garantisanan siguridad y proteccion, y permitinan asistencia consular. Segun polis, despues di e reconocimento di Nacionalidd, lo yudanan bay bek nan país.

Comments

comments

C: Heineken
new india