Ministerio di Salud di Israel a informa ayera e datonan cu nan lo presenta na Comite di Asesoramento di Vacunanan den apoyo na e recomendacion pa duna un di tres dosis di e vacuna contra COVID-19 na adultonan grandi.
Ministerio di Salud ‘a recomenda pa duna un di tres vacuna na e poblacion adulto mayor”, nan a bisa den un anuncio.
Algun di e datonan considera door di e Ministerio ta bini di un investigacion riba e “hustificacion, siguridad y eficacia” di un di tres dosis di e vacuna Pfizer/BioNTech pa pashentnan di hemodiálisis.
E investigacion a topa cu aproximadamente dos tercera parti di e pashentnan cu hemodialisis cu tabatin un reaccion no asina optimo di un di dos dosis a logra crea anticurpanan y celnan T optimo despues di un di tres dosis.
Proteccion di e vacuna contra coronavirus di Pfizer ta afecta pa e plamamento di e variante delta, segun Israel.
E sistema di atencion medico di Israel a haya instruccion pa haci e tramitenan necesario pa cuminsa vacuna personanan di riba 60 aña cu un di tres dosis di e vacuna COVID-19 cuminsando diadomingo, segun un fuente cerca di e ministerio di salud Israeli, mientras cu ta spera un decision final di gobierno.
Esnan cu ta bay haya e di tres dosis mester demostra cu a pasa mas cu cinco luna desde cu nan a ricibi e di dos dosis, segun e fuente.