Romania- Autoridadnan di Romania a bisa cu nan a confisca obhetonan na un balor di casi 4 miyon dollar cu tabata pertenece na e contrevetista personalidad di rednan social Andrew Tate durante e ultimo siman mientras Tate y su ruman ta bou investigacion pa acusacionnan di traficacion di hende pero tambe violacionnan.
Aproximadamente un total di 18 miyon Lei cu ta igual na $3,942.700, a keda confisca caba pa e Agencia di Gestion y Recuperacion di e pais (ANABI) a bisa den un conferencia di prensa diasabra.
Anabi a bisa cu tur loke a confisca entre e 29 obhetonan confisca, ta varia entre vehiculonan di motor, holoshinan di luho y tambe algun sumanan di placa di diferente paisnan.
Un video cu a wordo publica dor di Reuters riba diasabra ta mustra e autoridadnan Romano den un compleho adorna cu un gran cartel di Tate y a confisca varios vehiculonan di hopi balor entre otro algun un Rolls Royce, un Bmw y tambe un Mercedes Benz.