ARIZONA, Merca – Autoridadnan Mericano y Mexico a desmantela un catapulta uza pa manda droga riba e muraya fronteriso na Arizona, Oficina di Douane y Proteccion Fronteriso den e estado aki a informa diamars.
A wordo precisa cu dia 10 di Februari ultimo, Patruya Fronteriso di e Sector Tucson a detecta e presencia di varios persona cerca di e rand fronteriso den e poblacion di Douglas, cual a huy y a laga e catapulta tranca den e banda Mexicano di e muraya.
Segun un comunicado di CBP, no tabata tin detenido y ademas di e catapulta, e agentenan federal a haya 47 liber di marihuana den dos bulto cu a wordo manda pa e banda Mericano.
Oficialnan a contacta autoridadnan Mexicano kendenan a responde di inmediado pa investiga.
Di acuerdo cu Gobierno di Merca, e frontera di Arizona a continua siendo un di e coredornan principal di trafico di droga a lo largo di e limite entre ambos pais.
Durante e aña fiscal 2016, cu a caba dia 30 di September ultimo, Patruya Fronteriso a decomisa mas di mey ton di marihuana a lo largo di e frontera, den su gran mayoria den e Sector Tucson.
Fuente: NTN24