ENTRE RIOS, Argentina – Efectivonan policial y autoridadnan hudicial Argentino a drenta un convento den e provincia di Entre Rios (noordoost), unda cauta zweep y cilice (Un faha di punta di hero cu ta wordo bisti na e curpa como mortificacion) dentro di un investigacion hudicial inicia a rais di un publicacion periodistico cu a denuncia supuesto tortura na soeurnan.
Segun a confirma na medionan local, e fiscal cu ta dirigi e investigacion, Federico Uriburu, na prome ora di e mainta di diahuebs, Polis a drenta e convento di e Rumannan Carmelitas Descalzas, di e localida di Nogoya, unda cu ta biba 18 soeur, caminda cu nan a wordo entrevista nan riba supuesto torturanan.
“Ningun detencion a tuma luga, a tene entrevistanan, realisa pa e dokter di polis y a constata cu no tabata tin ningun tipo di lesion fisico cu ta mustra na un internacion,” e fiscal a splica.
Hues a indica pa drenta e convento, polis mester a haci uzo di forsa caminda cu e madre superiora di e convento a resisti, aunke e instrumentonan decomisa a wordo entrega voluntariamente pa e religiosonan.
E investigacion di e Fiscalia a cuminsa despues di un publicacion di e website Analisis Digital di e ciudad di Parana (Entre Rios), tras indagacionnan cu a yega mas di dos año, caminda cu a aparece testimonionan di exsoeur cu a sigura di tabata victimanan di exceso di parti di otro religiosonan.
Fuente: NTN24