MADRID, Spaña – Autoridadnan Spaño a desmantela un banda dedica na clone creditcard kende su lider tabata sintando un castigo pa a yuda financia e atentadonan di 9/11.
Segun AP a informa, den cuadro di e operacion policial conduci na Madrid 19 persona a wordo deteni. Miembronan di e grupo tabata recolecta datonan di usuarionan, manera e pincode, riba e dark red y tabata traha creditccard falso.
Entre esunnan aresta tabata tin nan lider, un Argelino di 49 aña, cual nomber no a wordo revela, cu ya caba a pasa un tempo den prizon na Spaña pa uza credit cardnan cu a wordo clona pa a financia atentadonan di 9/11.
Autoridadnan a descubri cu e banda a yega na gasta hasta 500 mil euro den credit cardnan cu a wordo falsifica.