Diadomingo na Aruba den oranan di atardi por a tuma nota di un cantidad di boto cu hopi hende riba dje mara banda di otro den area di high-rise hotel. Mirando e aglomeracion presente, Wardacosta hunto cu Polis Maritimo a duna ordo pa tur boto bandona e sitio. Den e proceso a haya refuerso di dos FRISC di Marina Real.
Warda Costa lo sigui controla comportacion abase di reglanan di COVID-19 cual ta conta riba lama tambe. Siguiendo medidanan stipula di COVID-19 nos tur ta evita pa e virus sigui plama riba nos isla. Pa e motibo aki ningun tipo di aglomeracion di persona y boto riba lama lo no ser permiti.