Diamars merdia na un cas na Wayaca persona desconoci a drenta e hogar y asina los tiro riba dos persona na e cas, tanto un homber y un muhe. Pero e señora a fayece na e sitio debi na e tiro cu el a haya na cabes, e homber a keda transporta cu urgencia pa hospital. Na e sitio Polis a cera e area pa start un investigacion profundo. Dokter Mungra a keda yama pa asina constata morto na e sitio.
Ta trata di famia chines comerciantenan conoci na Aruba. Recherche, departamento forensico, atraco team tambe a presenta na e cas pa haci nan investigacionnan necesario. E atracadornan arma a bay cu un auto honda for di e cas, y esaki a keda localisa algun rato despues na Angochi altura di e veld di Sportboys. Departamento forensico a presenta tambe na e sitio pa haci investigacion riba e auto pa lo necesario. Algun persona a mira personanan desconoci subi un pickup den e area pero te ainda ken ta e sospechosonan ta desconoci.
Rato despues Polis a persigui un pickup dobbel cabina cu algun persona aden a duna e chauffeur señal pa para den area di Shete pero e no kier a para. Aki Polis a persigui e auto cu mas ayudo di oficial y a yega na e sero pa bay Conchi pero no tabata e personanan.
E victima cu ta un persona masculino ta na Hospital hayando atencion medico pa su herida di bala cu el a haya na su curpa.
