BOGOTA, Colombia – Bogota lo incorpora drone den labornan di vigilancia policial pa mehora e siguridad den e ciudad, e secretario di Siguridad di e capital Colombiano, Daniel Mejia, a informa diaranson.
E obhetivo ta cu autoridadnan ta conta cu imagennan aereo den realtime, Mejia a splica, cita den un comunicado di Alcaldia.
“Bogota tin 137 mil cuadra di via (…) den menos di 1% por haya cerca di 30% di tur e delitonan. E resultadonan ta mustra un reduccion significativo den e delitonan contra propiedad (…) ta interveni den puntonan pisa y esey ta bay tuma decisionnan basa riba evidencia,” e funcionario a splica.
Alcaldia di e capital di Colombia, a inaugura recientemente e Secretaria di Siguridad, depsues cu el a wordo aproba pa e Conseho di Bogota na Maart ultimo pa por ataca e e problemanan cu a wordo genera den e campo aki.
E despacho aki tin “retonan presupuestal importante, institucional y di politico publico riba siguridad,” e informa a agrega.
“E Gobiernonan tin cu cuminsa pa traha den politica publico di siguridad ciudadano den aliansa cu entidadnan di vigilancia di Estado y cu innovacionnan den tecnologia,” e secretario di Siguridad di Bogota a agrega.
Fuente: NTN24