WASHINGTON D.C., Merca – Senador y aspirante na e candidatura presidencial Democrata na 2016, Bernie Sanders a reconoce diaranson cu e sospechoso di e tiroteo na Alexandria “aparentemente” a traha como boluntario den su campaña, alabes cu a mustra “repudio” pa un acto cu el a condena como “despreciabel.”
“Mi ta repudia e acto despreciabel aki,” Sanders a afirma den Senado poco despues di a conoce e identidad di e sospechoso, James Hodgkinson, kende a fayece posteriormente den un hospital di Washington.
Den e tiroteo, a resulta herida por lo menos cuater persona, entre nan, e congresista Republicano Steve Scalise.
“Mi a caba di wordo informa cu e supuesto atacante (…) ta un hende kende aparentemente tabata boluntario di mi campaña presidencial,” Sanders a agrega.
“Lagami ta lo mas cla posibel: e violencia di cualkier tipo ta inaceptabel den nos sociedad y mi ta condena e accion aki den e terminonan mas contundente posibel,” e senador a indica.
Encuanto e sospechoso a trascende cu riba su cuenta di e red social Facebook, e ta acusa presidente Donald Trump di ta “un traidor”, ta subraya cu “ta ora pa distrui Trump y su compania”, y a expresa su respaldo na Sanders.
Hodgkinson, di 66 aña y residente di Belleville (Illinois), a uza un rifle di asalto M-4 y un revolver, segun autoridadnan y a uza mas di 50 ristra di municion den e atake.
E hechonan a tuma luga riba un campo di baseball di Alexandria unda cu e miembronan di e partido Republicano tabata train pa un partido benefico anual premira pa tuma luga diahuebs.
FBI cu a tuma encargo di e investigacion, ta sigura cu ainda ta “hopi tempran” pa sa si e atake tabata tin motivacion politico y si el a bay dirigi specificamente contra e congresistanan cu tabata participa na e entrenamento aki.
Di su banda, y den un breve discurso for di Cas Blanco, e presidente Donald Trump a haci un yamado na e unidad y a cancela su agenda pa e hornada.
“Nos por tin nos diferencianan, pero den temponan manera esaki ta bon pa recorda cu tur cu ta sirbi den nos Capitolio ta eynan pasobra nan stima nan pais. Nos ta mas fuerte ora cu nos ta uni y ora cu nos ta traha hunto pa e bienestar comun,” Trump a enfatiza.
Fuente: www.elnuevoherald.com