Autor di tiroteo na Utrecht recien a sali for di prizon

UTRECHT, Hulanda- Gökmen T, e homber di 37 aña sospechoso di e atentado na Utrecht, te cu poco tempo pasa tabata den prizon. Esaki segun fuentenan di NOS. Polisnan a tene un entrada hudicial den su vivienda den e bario di Overvecht.
Dos siman pasa T. mester a bin dilanti pa tres caso: hortamento di un bicicleta, hortamento den un tienda di bicicleta y tambe un caso di violacion. Segun e victima, Angelique di 47 aña, un para di dia pasa T a wordo laga den libertad. El a keda deteni pa seis siman, door cu el a viola algun di e condicionnan. Despues di cu su abogado a apela, el a wordo laga den libertad.
Segun e muhe, ayera e tabata tin masha miedo di cu T. lo yega te unda cu e ta . E tabata uza cocaina cu T. ariba un base regular y tabata tin relacion sexual cu otro. Den zomer di 2017 T. lo a abusa di Angelique. “E ta un hende completamente loco, drogadicto, y mucho mas. Mi a avisa polis na varios ocasion. E no ta un terorista, e ta un psicopata”, Angelique a bisa.
Durante dia polis a tene un inval na cas cu ta riba T. su nomber na Overvecht. Pero segun su bisiña no tabata tin niun hende na cas.

Comments

comments