Diasabra awor dia 3 di November proximo Mariska Hammerstein autor di buki “Overal vrienden/Amigonan tur caminda’ lo ta presenta den nos tienda na Dakota pa topa cu tur su ‘fans’.
E aña aki pa prome biaha el a scirbi un storia cu ta tuma lugar na Aruba. E storia ta bay over di 2 pelikaan cu ta siña bula y co’i pisca. E storia aki ta den e buki di cariño di e Festival di Buki 2018, “Overal vrienden/ Amigonan tur caminda”.
Tambe e tin un buki di strip(stripverhaal) di dos amigo cu semper mester ta hunto: esun yama Pier y e otro Aat. Y hunto nan ta Piraat!!! E buki ta na Papiamento tambe: Pir y Ata (Pirata).
Mariska lo ta presente Diasabra awor pa e actividad na De Wit & Van Dorp Dakota, “Ban topa cu e autornan di Festival di Buki”.
Mariska lo duna un presentacion pa e muchanan presente di 12.40 p.m te cu 12.55 p.m. y for di 1.30 p.m – 3.30 p.m. lo tin sesion di firma di su buki Pire en Aat/ Pir y Ata.
Mariska ta hopi na Aruba, no solamente paso e tin un ruman ta biba aki cu su casa, pero paso e ta gusta nos solo, nos beachnan. E ta gusta landa y zeil y e ta gusta cuminda dushi y e hendenan di Aruba.
Pues nos ta invita tur hende bin pasa un rato ameno cu Mariska, Diasabra 3 di November.
Pa mas informacion bo ta bonbini na De Wit & Van Dorp San Nicolas, Dakota y awo den centro di ciudad. De Wit & Van Dorp Stores ta un compania local cu ya ta forma parti di comunidad di Aruba pa mas di 65 aña. Bishita nos pagina di Facebook: Dewit Vandorp.