STRASSBOURG, Francia- Chérif Chekatt, e terrorista cu diamars a mata tres persona y a herida otro 13 den e centro di Strassbourg, noordoost di Francia, a wordo likida pa autoridadnan Frances.
E cadena BFM TV a indica cu Chekatt a wordo neutralisa pa 21:00 (hora local) den e bario Neudorf, na Strassbourg, unda cu el a busca refugio. Pa su buskeda, mas di 700 agente a wordo desplega for di diamars pa forsanan di orden, cu’n control reforsa na e fronternanan, door di e miedo di cu e lo por a huy pa Alemania, EFE a informa.
Su mayornan, dos di su rumannan y un persona mas cercano di dje a wordo deteni desde diamars, mientras cu dos ruman muhe a acudi diahuebs pa duna nan declaracion, sin wordo aresta.
Di otro banda, e minister Frances di Interior, Christophe Castaner, a detaya cu tres di e diestres heridonan diahuebs a bandona hospital, mientras cu tres otro ta den estado critico.
Examen medico y grabacionan di e camaranan di siguridad a mustra e atake, unda cu e autor a uza un pistol automatico y un arma blanco, unda e tabata tira su victimanan di cerca.