NEW YORK, Merca- Autoridadnan a revela e identidad di e chauffeur cu a pasa dal den ciclistanan riba un fietspad na Manhattan. Den e caso aki ocho persona a perde nan vida, y autoridadnan ta maneha e acto como uno “terorista”. E corante New York Post a publica un potret di e presunto autor, identifica como Sayfullo Saipov, di 29 aña.
Un homber cu a yega Merca na 2010, for di Uzbekistan y cu tabata biba na Tampa, Florida. Según fuentenan hudicial, den e interior di e truck di huur, cual el a uza pa comete e crimen, a wordo haya mensahenan scirbi den Arabe, caminda cu e ta rindi lealtad na e grupo terorista ISIS.
Den e truck nan a haya tambe un bandera di e movimento extremista. Tambe, autoridadnan a informa cu e sospechoso a wordo opera despues di e ricibi tironann di parti di polis, un rato despues di e comete e atake.
Fuente: http://www.ntn24.com/