E fenomeno di number di auto, den e caso aki, e sticker ta lantando cabes atrobe. Sr. Lito Lacle, vocero di polis ta elabora ariba esaki, basa riba leynan di Aruba.
Segun Sr. Lacle, riba Facebook tin un persona ta bende stickernan di control di number di auto pero e automobilista mester tene cuenta cu e number ariba e sticker mester klop cu e recibo tambe. Esaki por trece problema pa e doño di auto, ya cu den un forma indirecto e ta manipulando cu algo. Tur esaki por tin castigo penal pa esun gara ta bende e stickernan aki cu ta ilegal, y tambe esun cu ta cumpra e sticker ilegal aki.
Tene tur bo papelnan na ordo, papel di belasting, seguro etc. Mas control tin, ta mas accidente ta wordo evita, di personanan cu no tin nan papelnan di auto na ordo, segun vocero di polis, Sr. Lito Lacle.