LIMA, Peru- Un autobus a cay for di un precipicio diamars na Pasamayo, Peru. E accidente aki a laga un saldo di 25 morto y varios herido. Esaki a keda confirma pa Dino Escudero, hefe di Polis di Trafico, cita pa Agencia Andina.
Algun herido a wordo traslada e heridonan pa hospitalnan di Chancay y Ancon, según Escudero a informa. Den e bus tabata biaha 54 persona.
Andina a publica ariba su account di Twitter varios imagen di e luga di e accidente.
Un representante di e compania di transporte a bisa TV Peru cu e bus tabata traslada pasaheronan for di Huacho pa Lima y tabata programa pa yega rond di 2 or di atardi. Ademas, el a detaya cu e chauffeur di e bus tabata tin al menos 8 aña di experiencia como chauffeur den e compania aki.
Regina Sanchez, ruman di e pasahero Raul Sanchez Sotelo a yega na e station di bus na Lima, buscando informacion di e victimanan. Según Sanchez, su ruman a comunica cu nan mama pa informa cu ya caba e tabata ariba caminda bayendo Lima.
Fuente: http://cnnespanol.cnn.com