DUBLIN, Irlandia- Un auto a dal den varios peaton cerca di e misa Inmaculada Concepcion, oost di Dublin. Cuater persona a resulta herida. Segun e prome informacionnan, e chauffeur di e auto a bira malo tras di stuur, cual a resulta cu el a pasa dal den varios hende cu su auto.
“Tabata tin un colision entre un auto y peatonnan den terenonan di un misa pa mas o menos 10 or y 20, segun un vocero di polis a confirma, den declaracionnan na medionan local.
Di otro banda, e Brigada di bomberonan di Dublin a anuncia ariba Twitter, cu “varios unidad di bombero y ambulance” a wordo desplega pa e luga di sucedido, haciendo un yamado pa evita e area, mientras cu “autonan di rescate por drenta y sali for di e escena”.
E cuater heridonan a wordo traslada pa hospitalnan. Ta wordo informa cu dos di nan ta den un estado critico, mientras cu e di tres tin heridanan di menor gravedad. E di cuater persona afecta su estado no ta conoci.
Fuente: RT Actualidad